في بلاد "دزني و ندزّك"

يا يساري يا اسلامي يا علماني يا لائكي يا متّطرف يا خضوعي يا انهزامي يا متعصّب يا مكتّف يا منحلّ يا قفّاف يلّي راسك صحيح يا عميل يا مستقلّ يا مستقيل يا شيعي يا شيوعي يا شعبوي يا سنّي يا ملحد يا بليد يا ركيك يا كخّة يا خرى يلّي ماكش ثوري ماكش أممي ماكش وطني  أه يا وطني يا خائن يا باين يا كائن يا بشر يا خويا ألو يا استاذ يا معلّم يا طبيب يا نقابي يا غيابي يا تجمّعي يا تفرّقي يا قطبي يا ولد القطبة تتقوطب؟؟؟ دستورنا مش دستور الأخرين و نحنا عمّال و نحنا بطّالة و أبطال نحنا نساء مش بالزّوز لا بالأربعة بالوحدة وحدة وحدة نحنا الرّجال و الرّجال قلائل تكبيييير... يا مواطن يا ضحيّة يا أحزاب يا كرتونيّة أيّها البائسون أيّتها البائسات يا وطن يا وطن طن طن طن تيييررم يا حبيبي يا حبيبي ملاّ خوضة يا حبيبي سيّب فكّ أعتقني فوتني يا عمّار يا كابتن يا قايد و يا صالح و يا  أصحاب السّلف الصّالح اسلام؟؟؟ وينو الاسلام؟اه هذا اسلام ...امممم مالا السّلام و في الامان و ربّي معاكم و لاّ معانا و لاّ مع الأخرين  تنفّس ما تهيجش ما نفدلكوش ما نعبّروش؟؟؟ و الأحزاب و الأحزاب الأحزاب خراب فب خراب قطاطس و كلاب و توّة و مبعد و ان شاء اللّه و متفاءلين الشّه الشه و التلّفزة كانت تشخر و لاّت تشخر و تحثّ و تنهر و تعرّي و تستر و القافلة تسير و الكلاب لا تنبح لا تهبّش لا تدبّش

يا احبّاء الحياة المقهورين اتّحدو 

و "انّنا نحبّ الحياة اذا ما استطعنا اليها سبيلا"

سيّب المقصّ من غادي و الحريّة اش كلات على راسها الحريّة الّي ماشي و الّي جاي يستّكلها و نقطّعو و نريّشو فيها و لا من مسّح على يدّيها...يدّهم ..نحنا ليها